Чои кори холи дар вазорати маориф

28-уми сентябри соли 2016

МАРКАЗИ МИЛЛИИ ТЕСТИИ

НАЗДИ ПРЕЗИДЕНТИ ҶУМҲУРИИТОҶИКИСТОН

Эълон дар бораи ҷойҳои кории холӣ

Маркази миллии тестии назди Президенти Ҷумҳурии Тоҷикистон барои ишғоли вазифаҳои зерин озмун эълон менамояд:

1. Сармутахассиси фанни таърихи халқи тоҷик (таърихи умумӣ)

Шумораи ҷойҳо: 1

Реҷаи корӣ: дар рӯзҳои корӣ аз соати 08:00 то 17:00

Талаботи тахассусӣ:

Сармутахассиси фанни таърихи халқи тоҷик (таърихи умумӣ) барои таҳияи тестҳо аз фанни мазкур масъул буда, бояд ба талаботи тахассусии зерин ҷавобгӯй бошад:

– маълумоти олӣ дар соҳаи таърих (таҳсилоти баъд аз муассисаи олии таълимӣ бартарӣ дониста мешавад);

– таҷрибаи омӯзгории на кам аз 6 сол;

– таҷрибаи корӣ ҳамчун омӯзгор-таҳиягари тестҳо на кам аз 2 сол;

– донистани равишҳои нави тестгузаронӣ ва таълим;

– дониш ва қобилияти зуд аз худ кардани назарияи классикӣ ва муосири тестҳо;

– малакаи баланди муошират;

– малакаи хуби кор бо компютер;

– нутқу саводи хуби хаттӣ аз забонҳои тоҷикӣ ва русӣ (ба донандагон забонҳои хориҷӣ афзалият дода мешавад);

Ба шахсоне, ки бо Марказ ҳамчун корманди муваққатӣ (муқарриз, таҳиягари тестҳо) ҳамкорӣ кардаанд ва ё дар таҳияи супоришу тестҳо барои олимпиадаҳои ҷумҳуриявии фаннӣ иштирок доштаанд, бартарӣ дода мешавад.

2. Сармутахассиси хизматрасонии техникӣ ва шабакаҳои маҳаллӣ

Шумораи ҷойҳо: 1

Реҷаи корӣ: дар рӯзҳои корӣ аз соати 08:00 то 17:00

Талаботи тахассусӣ:

Сармутахассиси хизматрасонии техникӣ ва шабакаҳои маҳаллӣ барои сари вақт гузаронидани ташхиси техникӣ, корҳои профилактикӣ, таъмири асосӣ, таҷдиди қисматҳои таҷҳизот ва версияҳои таъминоти барномавӣ нисбат ба техника ва шабакаи компютерии дар Марказ истифодашаванда масъул буда, бояд ба талаботи тахассусии зерин ҷавобгӯй бошад:

– маълумоти олии касбӣ дар соҳа (ҳадди ақал доштани дараҷаи бакалавр; таҳсилоти иловагии такмили ихтисос бартарӣ дониста мешавад);

– собиқаи кории на кам аз 3 сол дар самти хизматрасонии таҷҳизот ва таъминоти барномавии компютерҳо ва шабакаҳои компютерӣ;

– таҷрибаи корӣ дар насбу танзим, хизматрасонӣ ва ташхиси таҷҳизоти компютерӣ ва офисӣ, таъминоти барномавӣ бо назардошти версияҳои шабакавии онҳо;

– маҳорати ташкил ва гузаронидани дарс (машварат)-ҳои фосилавӣ бо кормандони бахшҳои минтақавӣ дар самти дастгирии техникӣ;

– мустақилият дар ҳалли масъалаҳои бамиёномада ва қобилияти зуд азхудкунии системаҳои мураккаб;

– қобилияти кор ҳамчун узви гурӯҳи корӣ ва доштани малакаи хуби муошират;

– донистани забонҳои тоҷикӣ ва русӣ (донистани забонҳои хориҷӣ дар сатҳи техникӣ, аз ҷумла забони англисӣ).

Донистани низоми имтиҳонҳои марказонидаи дохилшавӣ бартарӣ дониста мешавад.

3. Мутахассис-барномасоз

Шумораи ҷойҳо: 1

Реҷаи корӣ: дар рӯзҳои корӣ аз соати 08:00 то 17:00

Талаботи тахассусӣ:

Мутахассис-барномасоз барои иштирок дар равандҳои гуногуни коркарди коркарди иттилоот, аз ҷумла таҳияи қолабҳои ҳуҷҷатҳо дар намуди электронӣ, қабул ва назорати иттилооти воридшаванда, омода кардани додашудаҳои аввалия, тавлиди ҳисоботҳо, нашри ҳуҷҷатҳои содиротӣ ва ғайра масъул буда, бояд ба талаботи тахассусии зерин ҷавобгӯй бошад:

– маълумоти олии касбӣ дар соҳа (ҳадди ақал доштани дараҷаи бакалавр; таҳсилоти иловагии такмили ихтисос бартарӣ дониста мешавад);

– собиқаи кории на кам аз 3 сол дар самтҳои: барномасозӣ дар муҳит ва забонҳои муосири барномасозӣ; истифодаи системаҳои амалиётии муосир ва дастаи барномаҳои амалӣ;

– малакаи хуби корӣ дар самти насбу танзим ва таҷдиду истифодаи таъминоти барномавӣ, таҷҳизоти компютерӣ ва шабакаҳои компютерӣ;

– фаҳмиши назария ва технологияҳои пойгоҳҳои додаҳо: забонҳои дархостӣ, коркарди додаҳо, системаҳои идоракунии пойгоҳҳои додаҳо;

– дониши назариявӣ ва маҳорати амалӣ кардани усулҳои санҷиши таъминоти барномавии таҳия ва таҷдидшаванда барои рафъи камбудиҳои ҷойдошта;

– малакаи таҳияи ҳуҷҷатҳои техникӣ;

– маҳорати хуби таҳлилӣ дар азхудкунӣ ва таҳлили масъалаҳои бамиёномада ва мустақилият дар ҳалли онҳо;

– қобилияти кор ҳамчун узви гурӯҳи корӣ ва доштани малакаи хуби муошират;

– донистани забонҳои тоҷикӣ ва русӣ (донистани забонҳои хориҷӣ дар сатҳи техникӣ, аз ҷумла забони англисӣ).

Донистани низоми имтиҳонҳои марказонидаи дохилшавӣ бартарӣ дониста мешавад.

4. Мутахассиси технологияи иттилоотӣ-коммуникатсионии бахши минтақавии шуъбаи ташкил ва имтиҳони Марказ дар шаҳри Хуҷанд

Шумораи ҷойҳо: 1

Реҷаи корӣ: дар рӯзҳои корӣ аз соати 08:00 то 17:00

Талаботи тахассусӣ:

Мутахассиси технологияи иттилоотӣ-коммуникатсионӣ (ТИК)-и бахши минтақавӣ барои таъмини кори доимии таҷҳизоти компютерӣ, таъминоти барномавӣ ва шабакаи компютерии бахши минтақавии Марказ дар шаҳри Хуҷанд, насбу танзим, ташхису таҷдид ва хизматрасонии онҳо, инчунин таъмини машварат ва дастгирии техникии кормандони асосӣ ва муваққатӣ дар минтақа вобаста ба масъалаҳои истифодаи ТИК масъул буда, бояд ба талаботи тахассусии зерин ҷавобгӯй бошад:

– маълумоти олии касбӣ дар соҳа (ҳадди ақал доштани дараҷаи бакалавр);

– собиқаи кории на кам аз 3 сол дар самти насбу танзим, таҷдиду ташхис ва хизматрасонию истифодаи таъминоти барномавӣ (системаҳои амалиётии муосир, дастаи барномаҳои амалӣ ва ғайра), таҷҳизоти компютерию офисӣ ва шабакаҳои компютерӣ;

– қобилияти хуби корӣ ва малакаи хуби муошират;

– донистани забонҳои тоҷикӣ ва русӣ (донистани забонҳои хориҷӣ дар сатҳи техникӣ, аз ҷумла забони англисӣ).

Донистани низоми имтиҳонҳои марказонидаи дохилшавӣ бартарӣ дониста мешавад.

5. Посбони бахши минтақавии Марказ дар шаҳри Хуҷанд

Шумораи ҷойҳо: 1

Реҷаи корӣ:

– дар рӯзҳои корӣ аз соати 17:00 то 08:00;

– дар рӯзҳои истироҳат аз соати 08:00 то 08:00-и рӯзи дигар.

Талаботи тахассусӣ:

Посбони бахши минтақавии Марказ дар шаҳри Хуҷанд барои муҳофизати кормандон, бино ва таҷҳизот дар дохили бахши минтақавӣ, танзиму риояи тартибот дар дохили муассиса, назорати риояи қоидаҳои зиддисӯхтор ва санитарӣ, бақайдгирии шаҳрвандони ба Марказ муроҷиаткунанда ва амнияти бахши минтақавӣ масъул буда, бояд ба талаботи тахассусии зерин ҷавобгӯй бошад:

– маълумоти миёна ва ё миёнаи махсус;

– собиқаи корӣ дар соҳаи бехатарӣ (ба шахсони синнашон то 50-сола афзалият дода мешавад);

– малакаи хуби муошират;

– малакаи кори хаттӣ.

Хоҳишмандон дар озмун тибқи тартиби муқарраргардида қабул карда мешаванд. Хоҳишмандон барои иштирок дар озмун бояд ҳуҷҷатҳояшонро (ариза, нусхаи шиноснома, дафтарчаи меҳнатӣ, маълумотнома оид ба доғи судӣ (ИЦ) ва резюме бо забони тоҷикӣ) ба Марказ бо нишонии зерин пешниҳод намоянд:

Маркази миллии тестии назди Президенти Ҷумҳурии Тоҷикистон:

734003, шаҳри Душанбе, хиёбони Рӯдакӣ, 192

Телефон: (+992 37) 224 53 67, 224 53 68

Факс: (+992 37)  224 53 66

Нишонии электронӣ: Этот адрес электронной почты защищен от спам-ботов. У вас должен быть включен JavaScript для просмотра.

Шахси мутасаддӣ: Г. Давлатова

Муҳлати ниҳоии пешниҳоди ҳуҷҷатҳо: 17-уми октябри соли 2016, то соати 16:00

Душанбе, 28-уми ноябри соли 2019

МАРКАЗИ МИЛЛИИ ТЕСТИИ

НАЗДИ ПРЕЗИДЕНТИ ҶУМҲУРИИ ТОҶИКИСТОН

Эълони озмун дар бораи ҷойи корӣ

Маркази миллии тестии назди Президенти Ҷумҳурии Тоҷикистон барои ишғоли вазифаи сармутахассиси веб-технологияҳои раёсати технологияҳои иттилоотию коммуникатсионӣ озмун эълон менамояд.

Талаботи тахассусӣ барои вазифаи сармутахассиси веб–технологияҳои раёсати технологияҳои иттилоотию коммуникатсионӣ

Сармутахассиси веб-технологияҳои раёсати технологияҳои иттилоотию коммуникатсионӣ барои таҳия, такмил ва дастгирии хизматрасониҳои Марказ, ки дар заминаи веб-технологияҳо амал мекунанд, аз ҷумла сари вақт ҷойгир кардани маълумот дар сомонаи расмии Марказ, машварат додан ба муаллифони мавод барои сомона, ҳамкорӣ бо кормандони Марказ ҷиҳати навсозии сохтор ва ё таҳияи версияи нави сомона, санҷиши пайвастаи фаъолияти бахшҳои алоҳидаи сомона ва таъмини кори муттасили он масъул буда, бояд ба талаботи тахассусии зерин ҷавобгӯй бошад:

– таҳсилоти олии касбӣ дар соҳаи технологияҳои иттилоотию коммуникатсионӣ;

– омӯзиш дар курсҳои тахассусии ба соҳаи ТИК, аз ҷумла ба самти веб-технологияҳо алоқаманд (дараҷаи байналмилалӣ) бартарӣ ҳисобида мешавад;

– собиқаи кории на камтар аз 3-сола дар самти лоиҳакашӣ ва таҳияи сомона ва веб-барномаҳо;

– малакаю маҳорати хуби истифода аз системаҳои оператсионии оилаи MS Windows, таъминоти барномавии идоравӣ (MS Office), графикию аниматсионӣ (AdobePhotoShop, CorelDraw, Flash), амнияти иттилоотӣ ва кор дар шабакаи Интернет (браузерҳо, почтаи электронӣ), таҷҳизоти компютерӣ ва идоравӣ;

– малакаи насб ва танзими таҷҳизоти компютерӣ ва таъминоти барномавӣ (бо дарназардошти шабакаҳои компютерӣ);

– донишҳои амалӣ ва малакаи истифодаи воситаҳои таҳияи сомона ва веб-барномаҳо, аз қабили ASP.NET MVC, Razor, HTML, CSS, JavaScript, jQuery, Bootstrap, CMS;

– малакаи хуби кор ва донистани як ё якчанд забони барномасозӣ (C#, Java, C++)

– донишҳои назариявӣ ва амалӣ дар самти кор ва истифодаи системаҳои идоракунии пойгоҳҳои додаҳо, аз ҷумла MySQL, Ms SQL;

– қобилияти таҳия кардани сохтори сомонаҳои сатҳашон гуногун ва сохтани онҳо бо дарназардошти истифодаи унсурҳои динамикии навигатсионӣ;

– маҳорати таъмини дастгирии техникӣ ва машваратҳои фосилавӣ ба кормандони раёсату шуъбаҳо ва бахшҳои минтақавии Марказ дар масъалаҳои вобаста ба истифодаи сомона ва хизматрасониҳои дигари Марказ, ки бар технологияҳои веб асос ёфтаанд;

– малакаи таҳияи ҳуҷҷатҳои техникӣ;

– дақиқкорӣ ва масъулиятшиносӣ дар иҷрои корҳои базиммагузошташуда;

– қобилияти зуд мутобиқгардӣ дар шароити нави корӣ ва кори гурӯҳӣ (ҳамкорӣ бо кормандони Марказ ва бахшҳои минтақавии он) ва доштани малакаи хуби муошират;

– қобилияти зуд мутобиқгардӣ дар шароити нави корӣ ва кори гурӯҳӣ (ҳамкорӣ бо кормандони Марказ ва бахшҳои минтақавии он) ва доштани малакаи хуби муошират;

– донистани забонҳои тоҷикӣ ва русӣ (донистани забонҳои хориҷӣ, аз ҷумла забони англисӣ, ҳадди ақал дар сатҳи техникӣ бартарӣ дониста мешавад).

Барои иштирок дар озмун хоҳишмандон бояд ариза ва мухтасари шарҳи ҳол (резюме)-и худро бо забони тоҷикӣ, нусхаи шиноснома, диплому сертификатҳо ва дафтарчаи меҳнатӣ, инчунин маълумотномаро дар бораи доштан ё надоштани доғи судӣ ба Марказ пешниҳод намоянд. Муҳлати ниҳоии қабули ҳуҷҷатҳо: 12-уми декабри соли 2019, то соати 17:00.

Нишонӣ:

734003, ш. Душанбе, хиёбони Рӯдакӣ, 192.

Тел.: (+992 37) 224 53 67, 224 53 68.

Факс: (+992 37) 224 53 66.

Нишонии электронӣ: Этот адрес электронной почты защищен от спам-ботов. У вас должен быть включен JavaScript для просмотра.

Шахси мутасаддӣ: Г. Давлатова

Паёмҳо

Cомонаҳои ҳаммазмун

Версияи мобилии системаи kor.tj